Yr Academi Gerdd Frenhinol

Yr Academi Gerdd Frenhinol

Math	conservatoire, prifysgol, sefydliad addysg uwch, adeiladwaith pensaernïol, sefydliad addysgol
Ardal weinyddol	Dinas Westminster
Sefydlwyd	1822
Daearyddiaeth
Rhan o'r canlynol	Prifysgol Llundain
Lleoliad	Llundain
Sir	Llundain Fwyaf (Sir seremonïol)
Gwlad	Lloegr
Cyfesurynnau	51.5236°N 0.1519°W, 51.52337°N 0.15172°W, 51.523488°N 0.151686°W
Cod OS	TQ2832682127
Cod post	NW1 5HT
Statws treftadaeth	adeilad rhestredig Gradd II
Sefydlwydwyd gan	John Fane, 11eg iarll Westmorland
Manylion
Ffeiliau perthnasol ar Comin
[golygwch ar Wicidata]

Yr Academi Gerdd Frenhinol yn Llundain, Lloegr, yw'r conservatoire hynaf yn y DU. Fe'i sefydlwyd ym 1822 ^[1] gan John Fane a Nicolas-Charles Bochsa. Derbyniodd ei Siarter Frenhinol ym 1830 gan y Brenin Siôr IV gyda chefnogaeth Dug 1af Wellington.^[2] Mae cyn-fyfyrwyr enwog yr Academi yn cynnwys Morfydd Llwyn Owen, Osian Ellis, Syr Simon Rattle, Syr Harrison Birtwistle, Syr Elton John ac Annie Lennox.

Mae'r Academi yn darparu hyfforddiant israddedig ac ôl-raddedig ar draws perfformiad offerynnol, cyfansoddi, jazz, theatr gerdd ac opera, ac yn recriwtio cerddorion o bob cwr o'r byd, gyda chymuned myfyrwyr sy'n cynrychioli mwy na 50 o genhedloedd. Mae wedi ymrwymo i ddysgu gydol oes, o'r Academi Iau, sy'n hyfforddi cerddorion hyd at 18 oed, trwy brosiectau cerddoriaeth gymunedol yr Academi Agored, i berfformiadau a digwyddiadau addysgol ar gyfer pob oedran.^[3]

Mae amgueddfa'r Academi yn gartref i un o gasgliadau mwyaf arwyddocaol y byd o offerynnau cerdd ac arteffactau, gan gynnwys offerynnau llinynnol gan Stradivari, Guarner, ac aelodau o deulu Amati; llawysgrifau gan Purcell, Handel a Vaughan Williams; a chasgliad o ddeunyddiau perfformio a oedd yn eiddo i berfformwyr blaenllaw. Mae'n goleg cyfansoddol ym Mhrifysgol Llundain ac yn elusen gofrestredig o dan gyfraith Lloegr.

1. ↑ "University of London: Royal Academy of Music". web.archive.org. 2011-04-29. Archifwyd o'r gwreiddiol ar 2011-04-29. Cyrchwyd 2020-07-29.
2. ↑ Bernarr Rainbow & Anthony Kemp, 'London (i), §VIII, 3(i): Educational institutions: Royal Academy of Music (RAM)', Grove Music
3. ↑ "What's On - Events". Royal Academy of Music. Cyrchwyd 2020-07-29.